Վերապատրաստման ծրագրեր

ԴՀՎԾ-ն կարողությունների վրա հիմնված ուսումնական ծրագիր է՝ նախատեսված Հայաստանի համաճարակաբանների հետագա զարգացման համար, ինչն իրականացվում է համապատասխան հմտությունների ուսուցմամբ, որոնք թույլ են տալիս հավաքել, վերլուծել և մեկնաբանել հիվանդությունների հսկողության տվյալները: ԴՀՎԾ-ն պատրաստված է ԱՄՆ-ի Հիվանդությունների վերահսկման և կանխարգելման կենտրոնի (ՀՎԿԿ) համաճարակաբանական տվյալների ծառայության ծրագրի մոդելի հիման վրա, ինչը հարմարացվել է Հայաստանի հանրային առողջապահության բովանդակությանը և կարիքներին:

ԴՀՎԾ-ն ունի ուսուցման երեք մակարդակ՝ Առաջնագիծ, Միջանկյալ, և Առաջատար: Յուրաքանչյուր մակարդակը կենտրոնանում է «ուսուցում պրակտիկայի միջոցով» սկզբունքի վրա և կիրառում ուսուցման միևնույն մոտեցումը՝ ժամանակի 25%-ը հատկեցնելով լսարանային վերապատրաստմանը, իսկ 75%-ը՝ պրակտիկ դաշտային գործողություններ իրականացնելուն:

ԴՀՎԾ Առաջնագիծը 12-շաբաթյա ուսումնական ծրագիր է՝ միտված մարզային և համայնքային մակարդակում համաճարակաբանական հմտությունների հզորացմանը՝ կատարելագործելով Հայաստանի հանրային առողջապահության ոլորտի աշխատակիցների կարողությունները՝ հիվանդություններ, ինչպես նաև հանրային առողջապահության տեսանկյունից կարևոր իրադարձությունների բացահայտման, հետազոտման և արձագանքման տեսանկյունից: ԴՀՎԾ Առաջնագիծը Հայաստանում մեկնարկեց 2021թ.-ի մարտին: Վերապատրաստումն ավարտողներին տրամադրվել է ավարտական վկայագիր և շարունակական մասնագիտական կրթության կրեդիտներ: 2023թ.-ի հունիսին ԴՀՎԾ Առաջնագծի չորս խմբերի 48 մասնակիցներ հաջողությամբ ավարտել են ծրագիրը:

ԴՀՎԾ Միջանկյալը 6-9 ամսյյա ուսումնական ծրագիր է՝ միտված մարզային և ազգային մակարդակում համաճարակաբանական հմտությունների հզորացմանը՝ կատարելագործելով Հայաստանի հանրային առողջապահության ոլորտի աշխատակիցների կարողությունները՝ հիվանդություննեի, ինչպես նաև հանրային առողջապահության տեսանկյունից կարևոր իրադարձությունների բացահայտման, հետազոտման և արձագանքման, հիմնավորված որոշումների կայացման տեսանկյունից:

Հայաստանի ԴՀՎԾ-Միջանկյալ ծրագիրը մեկնարկել է 2023թ.-ի հունվարին: Այն բաղկացած էր 7 առկա մեկշաբաթյա աշխատաժողովներից և պրակտիկ դաշտային համաճարակաբանական աշխատանքներից, որոնք իրականացվել են մասնակիցների աշխատավայրերում: ԴՀՎԾ-Միջանկյալ ծրագրի շրջանավարտները իրականացրել են նաև մեկ խմբային դաշտային աշխատանք գիտելիքի, վերաբերմունքի և վարքագծի ուսումնասիրության ձևով: Ծրագրի շրջանավարտները ձեռք են բերել հմտություններ հիվանդությունների հսկողության, բռնկումների հետազոտման և արձագանքման, տվյալների որակի և կառավարման, դիտարկման ուսումնասիրությունների և հանրային առողջապահության հաղորդակցության, ինչպես նաև ուսումնասիրությունների պլանավորման, իրականացման հավաքված տվյալների ամփոփման և վերլուծության ոլորտներում: 2023թ.-ի հուլիսին ԴՀՎԾ Միջանկյալ ծրագիրը հաջողությամբ ավարտել են 13 շրջանավարտներ:

ԴՀՎԾ Առաջատարը երկամյա վերապատրաստման ծրագիր է, որը մասնակիցների համար ապահովում է պրակտիկ փորձ՝ հիվանդությունների բռնկումներին և հանրային առողջապահության տեսանկյունից այլ առաջնահերթ խնդիրներին արձագանքելու, այդ թվում՝ հիվանդությունների հսկողության և բնական աղետների մասին: Հայաստանի ԴՀՎԾ-ի վերջնական նպատակն է ազգային ԴՀՎԾ Առաջատար ծրագրի հիմնադրումը: